"5 қыркүйек - Қазақстан халқы тілдері күні"

4.09.2018ж күні 5 қыркүйек Қазақстан халқы тілдері күні мерекесіне орай апталықтың жоспары жасақталып, бекітілді. Жоспарға сәйкес апталықтың ашылу салтанаты болды. Жиында сөз алған мектеп директоры Батырова Калдыбике Мадиярқызы тәуелсіз елдің мемлекеттік тілі мәртебелі де тұрақты болып, өрістеп дамуына үлес қосу-жас жеткіншектердің жауапкершілігінде болатын міндет екендігіне тоқталып, ана тіліміздің мерейлі мерекесімен құттықтады.

Тәуелсіздігіміздің тұғырына көтерілген жылдар ішінде елдің бірлігі артқандай. Елімізде ұлтымыздың ұлы тілімен қатар әлемдік тілдердің де құндылығы жоғары. Қазақ балаларының өзге тілді меңгергеніне қуанып, өзге ұлт өкілдерінің қазақ тілінде сөйлеп, білім алып жатқанын көргенде, бір жасап қаламыз.Ұстаздар қауымының басты міндеті-шәкірттерін білім нәрімен сусындатып, болашақ ұрпаққа ұлағатты тәрбие беру. Осы мақсатта қазақ тілі, орыс тілі және ағылшын тілі мұғалімдері Мырзағалиев Ә, Утегенова Г, Жантурова Б «Үш тұғырлы тіл» атты шығармалар сайысын ұйымдастырды.

5.09.2018ж «Ауылым алтын-бесігім» тақырыбында 2-4 бастауыш сыныптар арасында сурет байқауы өтті.  Байқаудың негізгі шарты оның мазмұндылығы, жаңашылдығы, сауаттылығы, көркемдігі және тақырыптың ашылуы болды.  Сурет байқауынан үздік деп танылған оқушылар марапатталды.

1-3 бастауыш сыныптың сынып жетекшілері Аралбаева А, Елжанова Г, Шеримгалиева З, Есенгалиева Ж және Айтмуханова Г «Тілім менің –тірлігімнің айғағы» тақырыбында тәрбие сағатын өткізді. Тәрбие сағатының мақсаты: егеменді еліміздің рухын асқақтататын ұлттық тіл, ұлттық қадір - қасиет екендігін білдіру; Оқушыларды өз ана тілінің қадір-қасиетін біліп,өз ана тілінің көркемдігін сезініп, сөз құдіретінтүсініп, оның адам өміріндегі маңызын ұғуғаүйрету.Сөздік қорларын молайтып, шешендік өнергебаулу.

8 сыныптар арасында орыс тілі пәні мұғалімі Конлумкошева Галияның ұйымдастыруымен «Языковой турнир» өтті. Турнир барысында белсенділік танытып, білімімен ерекшеленген оқушылар марапатталды.

Ағылшын тілі пәні мұғалімі Жантурова Бақыт 5 «Ә» сыныбымен «Сinderella» атты сахналық қойылым көрсетті. Оқушылар ағылшын тілінде еркін сөйлеп, шеберлікпен орындап шықты.